पदपूर्ति सम्बन्धि सूचना

पदपूर्ति सम्बन्धि सूचना

सूचना नः RT/VN#002/2023

प्रथम पटक सुचना प्रकाशन मितिः २१ फरवरी २०२३

अनुसन्धान र विकासका निम्ति अभियान नेपाल सन् २००८ मा स्थापना भएको एक गैरराजनीतिक, धर्मनिरपेक्ष र गैर नाफामुखी संस्था हो जसको मुख्य कार्यालय रौतहट जिल्लामा हो । यस संस्थाले नेपालको तराई क्षेत्रमा स्वास्थ्य, खानेपानी तथा सरसफाइ र शिक्षा प्रवर्द्धनको विषयगत क्षेत्रका साथै सामुदायिक विकास र मानवीय सहायताका क्षेत्रहरुमा काम गरिरहेका छन् । यसले गरिब, जोखिममा परेका, सीमान्तकृत, सामाजिक रूपमा बहिष्कृत समुदाय र संस्थाहरू (बालबालिका, महिला, युवा, विद्यालय र स्वास्थ्य केन्द्रहरू समेत) को लागि विभिन्न दातृ निकायहरुको सहयोगमा सामाजिक र आर्थिक विकासलाई प्रोत्साहित गर्न र उनीहरुको अधिकार, मानव कल्याण र हितलाई कायम राख्न काम गर्दछ । 

अभियान नेपालले One Heart Worldwide को सहकार्यमा रौतहट जिल्लाका विभिन्न ०९ वटा स्थानिय तहहरुमा सञ्चालित  Strengthening Maternal Neonatal Health Services in Partnership with the Local Government in Rautahat  “स्थानिय सरकारको साझेदारको साझेदारीमा मातृ तथा नवजात शिशु स्वास्थ्य सेवा सुदृढिकरण परियोजना” अन्तर्गत तपसिलको पदहरूमा आवश्यक पदपूर्ति गर्नुपर्ने भएकोले योग्यता पुगेका ईच्छुक नेपाली नागरिकहरूबाट दरखास्त आह्वान गरिन्छ ।

१. पदः Project Coordinator

पद संख्याः ०१ 

योग्यताः मान्यता प्राप्त शैक्षिक संस्थाबाट जनस्वास्थ्य (Public Health) विषयमा स्नातकोत्तर तह उतीर्ण गरी सम्बन्धित क्षेत्रमा कम्तिमा ०२ वर्षको कार्य अनुभव वा जनस्वास्थ्य (Public Health) विषयमा स्नातक तह उतीर्ण गरी सम्बन्धित क्षेत्रमा कम्तिमा ०५ वर्षको कार्य अनुभव भएको हुनुपर्ने ।

यस पदका लागि आवश्यक योग्यता र कार्य अनुभव सम्बन्धि विवरण तलको लिङ्कमा उपलब्ध छ ।

Job Description of Project Coordinator

२. पदः Field Officer (Non Clinical)

पद संख्याः ०१ 

योग्यताः मान्यता प्राप्त शैक्षिक संस्थाबाट जनस्वास्थ्य (Public Health) विषयमा स्नातक तह उतीर्ण गरी मातृ तथा बाल स्वास्थ्य सम्बन्धि क्षेत्रमा कार्य अनुभव भएको हुनुपर्ने ।

यस पदका लागि आवश्यक योग्यता र कार्य अनुभव सम्बन्धि विवरण तलको लिङ्कमा उपलब्ध छ ।

Job Description of Field Officer (Non Clinical)

३. पदः Community Mobilizer (सामाजिक परिचालक)

पद संख्याः ०१ (महिला मात्र)

काम गर्नुपर्ने स्थानः फतुवा विजयपुर र बृन्दावन नगरपालिका रौतहट 

योग्यताः मान्यता प्राप्त शैक्षिक संस्थाबाट CMA/ANM/HA उतीर्ण स्थानिय महिला ।

यस पदका लागि आवश्यक योग्यता र कार्य अनुभव सम्बन्धि विवरण तलको लिङ्कमा उपलब्ध छ ।

Job Description of Community Mobilizer

उपरोक्त पदहरुका लागि योग्यता पुगेका ईच्छुक नेपाली नागरिकहरुले तपसिलको कागजात सहित २ मार्च २०२३ भित्र तपसिलको ठेगाना वा विधुतिय माध्यमद्वारा आवेदन दिन सक्नेछन्:

आवेदन साथ पेश गर्नुपर्ने आवश्यक कागजातहरू:

• तलको लिङ्कमा उपलब्ध रोजगारी आवेदन फारम
• न्युनतम दुई जना सन्दर्भ व्यक्तिहरूको नाम र सम्पर्क ठेगाना सहितको व्यैक्तिक विवरण
• शैक्षिक योग्यताको प्रमाण पत्रहरुको प्रतिलिपी
• नेपाली नागरिकताको प्रमाण पत्रको प्रतिलिपी
• विषयगत क्षेत्रको अनुभवका प्रमाण पत्रहरुको प्रतिलिपी

Job Application Form

आवेदन गर्ने प्रकृयाः

माथि उल्लेखित कागजात सहित संस्थाको कार्यालयमा स्वयम् वा प्रतिनिधि उपस्थित भई वा हुलाक वा ईमेल vacancy.abhiyan@gmail.com मार्फत दरखास्त दिन सकिनेछ । म्याद नाघी आएका, तोकिएको शैक्षिक योग्यता नपुगेका, अनुभव नपुगेका, तोकिएका मापदण्ड पुरा नभएका वा रित पुरा नगरेका निवेदनहरु स्वीकृति गर्न संस्था वाध्य हुनेछैन । संस्थाले कुनै पनि आवेदन पूर्ण वा आशिंक रुपमा विना शर्त स्वीकृत गर्ने वा नगर्ने अधिकार आफूमा निहित गर्दछ । कृपया आवेदनमा ............... पदको लागि आवेदन भनेर खुलाउनुहोला ।

प्रारम्भिक छनौटमा परेका उम्मेदवारहरूलाई मात्र लिखित तथा मौखिक छनौट प्रक्रियामा समावेश गरिनेछ । समाजमा पछाडि पारिएका महिला, दलित, जनजाति, अपाङ्गता भएका व्यक्ति, सिमान्तकृत वर्गलाई दरखास्त पेश गर्नका लागि विशेष प्रोत्साहित गरिन्छ । यस संस्थाको यौन उत्पीडन, शोषण र दुर्व्यवहार र बाल दुर्व्यवहार रोक्नका लागि संस्थाको संरक्षण नीति तथा अन्य सम्बन्धित नीतिहरू सहित प्रतिबद्ध रहेको छ । यदि आवेदन दिने व्यक्तिको यस संस्थामा कुनै नाता लाग्ने व्यक्ति वा कुनै स्वार्थको द्वन्द्व (Conflict of Interest) छ भने आवेदनको साथमा उल्लेख तथा स्व-घोषणा गर्नुहुन समेत जानकारी गराइन्छ । स्थानिय आवेदकहलाई प्राथमिकता दिईनेछ ।

दरखास्त दिने अन्तिम मितिः 

इच्छुक उम्मेदवारहरूलाई आफ्नो आवेदन अद्यावधिक गरिएको Biodata सहित १० दिन भित्र (२ मार्च २०२३ बेलुका ०५ बजे सम्म) आवेदन पेश गर्न अनुरोध गरिन्छ । यदि सो दिन सार्वजनिक बिदा परेमा त्यस लगत्तै कार्यालय खुल्ने दिनको ०५ बजे सम्म आवेदन दिन सकिनेछ । यदि कुनै कुरा बुझ्न परेमा माथि उल्लेखित इमेल वा तल उल्लेखित फोन नं। मा सम्पर्क गर्न सक्नुहुनेछ ।

आवेदन दिने ठेगानाः

मानव संसाधन शाखा

अभियान नेपाल

गौर ०५ रौतहट

फोन नः ०५५ ५२१५७६

वा

ईमेल ठेगानाः vacancy.abhiyan@gmail.com

कार्यशक्तिको विविधताको कदर गर्दै, अभियान नेपालले महिला र जातीय अल्पसंख्यकहरूलाई उपरोक्त पदहरुका लागि आवेदन दिन दृढतापूर्वक प्रोत्साहित गर्दछ ।