सिलबन्दी बोलपत्र आह्वानको सूचना (विद्यालय पोशाक र शैक्षिक सामग्री खरिद तथा प्रारम्भिक बालविकास कक्षाका लागि सिकाइ सामग्री खरिद)

विद्यालय पोशाक र शैक्षिक सामग्री खरिद तथा

 प्रारम्भिक बालविकास कक्षाका लागि सिकाइ सामग्री खरिद सम्बन्धी 

सिलबन्दी बोलपत्र आह्वानको सूचना

गुड नेवर्स इन्टरनेशनल नेपालको आर्थिक तथा प्राविधिक सहयोगमा सामुदायिक ग्रामीण विकास समाज – दार्चुला, पीसबिन बाजुरा, सामुदायिक विकास केन्द्र, डोटी, मालिका विकास संघ – अछाम, सेवक नेपाल – कैलाली, किर्डाक नेपाल – मुगु/हुम्ला, सोनाहा विकास समाज – बर्दिया, संगम – म्याग्दी, सोर्डेक नेपाल – पर्वत, नौलो घुम्ती नेपाल – कास्की, पद्धती विकास सेवा केन्द्र – गोरखा, ग्रामीण विकास तथा सशक्तिकरण केन्द्र – नुवाकोट, लेले सामुदायिक विकास केन्द्र – ललितपुर, आसमान नेपाल – धनुषा र दलित समाज उत्थान समिति नेपाल – महोत्तरीले १७ वटा जिल्लाका विभिन्न नगरपालिका र गाउँपालिकाहरुमा एकीकृत सामुदायिक विकास परियोजना संचालन गर्दै आइरहेको छ । यसै परियोजनाको स्पोन्सरसीप कार्यक्रममा आवद्ध २०,००० जति बालबालिकाको लागि शैक्षिक सामग्रीहरु तथा विद्यालय पोशाक, र सामुदायिक विद्यालयको  प्रारम्भिक बालविकास कक्षामा अध्ययनरत बालबालिकाको लागि सिकाइ सामग्री खरिद गर्नुपर्ने भएकाले TOR मा उल्लेखित शर्त र Technical Specification /Bidding Form  मा उल्लेखित विस्तृतीकरण तथा परिमाण अनुसार आपूर्ति गर्न इजाजतप्राप्त ईच्छुक स्थानीय वा राष्ट्रिय कम्पनी/फर्म/आपूर्तिकर्ताबाट सिलबन्दी बोलपत्र पेश गर्नको लागि आह्वान गरिन्छ ।

आवेदन दर्ता गर्ने प्रक्रिया:

ईच्छुक स्थानीय वा राष्ट्रिय कम्पनी/फर्म/आपूर्तिकर्ताहरुले आफुले सेवा दिन चाहेको सामग्रीहरुको बोलपत्र बालबालिकाहरुका लागि शैक्षिक सामग्री र विद्यालय पोशाकको लागि खामको बाहिर “शैक्षिक सामग्री र विद्यालय पोशाक खरिद – बोलपत्र” तथा प्रारम्भिक बालविकास कक्षाका लागि सिकाइ सामग्रीका लागि “प्रारम्भिक बालविकास कक्षाका लागि सिकाइ सामग्री – बोलपत्र” लेखी छुट्टाछुट्टै खाममा मिति २०८१ पौष २६ गते (१० जनवरी २०२५) साँझ ५ः०० बजे भित्र TOR मा उल्लेखित संस्थाको कार्यालयहरुमा पेश गर्न सकिनेछ । बोलपत्रको आवेदन फारम, Technical Specification र TOR ईमेलः procurement@aasamannepal.org.np  वा वेभसाइटः https://gninepal.org/calls  बाट प्राप्त गर्न सकिनेछ वा तल दिएका लिङ्कबाट डाउनलोड गर्न सकिनेछ ।

नोट: १.     बोलपत्र पेश गर्दा सामग्रीको नमुना (Sample) पनि अनिवार्य रुपमा पेश गर्नुपर्नेछ ।

        २.     सेवाप्रदायक कम्पनी, फर्म वा आपुर्तिकर्ता छनौट गर्ने वा नगर्ने सम्पूर्ण अधिकार नेशनल कन्सोर्टियम कमिटीमा निहित रहनेछ ।