बोलपत्र आह्वानको सूचना

बोलपत्र आह्वानको सूचना

प्रथम पटक सूचना प्रकाशित मिति: २०८१/१२/२० गते (२ अप्रिल २०२५)

भेरी वातावरणीय विशिष्टता समूह (BEE Group)ले प्लान ईन्टरनेशनल नेपालसँग साझेदारीमा बर्दिया जिल्लाको बारबर्दिया, मधुवन, ठाकुरबाबा नगरपालिका र गेरुवा गाउँपालिकामा बालविवाह न्यूनीकरण परियोजना सञ्चालन गरि रहेको छ । बाल विवाह, छिटो हुने विवाह र जबर्जस्ती हुने विवाहको उच्च जोखिममा रहेका १८ देखि २४ वर्ष उमेर समूहका किशोरी तथा युवा महिलालाई लक्षित गरी रोजगार एवम् व्यवशायका अवसरहरूको सृजना गरी आर्थिक सबलीकरण गर्ने उद्देश्यले व्यवसायीक शिक्षा तथा तालिम परिषदको पाठ्यक्रममा आधारित भई व्यवसायीक तथा सिप विकास तालिम लिएका सहभागिहरूका लागि गारमेन्ट सञ्चालनका लागि समान खरिद गर्नु पर्ने भएकाले तपसिल बमोजिमको सामान खरिद गर्नुपर्ने भएकाले इच्छुक उत्पादक, अधिकृत विक्रेता, आपूर्तिकर्ताबाट उल्लेखित शर्तहरूको अधिनमा रही यो सूचना प्रकाशन भएको मितिले १५ (पन्ध्र) दिन भित्र बोलपत्र पेश गर्न सार्वजनिक सूचना आह्वान गरिएको छ  ।

तपशिलको लागि तलको लिङ्कमा जानुहोस्:

https://drive.google.com/uc?export=download&id=13h_n9Qm3896OBnODuzGAVK6IaS1H_P5K

बोलपत्र पेश गर्ने सेवा प्रदायक संस्थाले पालना गर्नु पर्ने न्यूनतम मापदण्डतथा शर्तहरू:

१. बोलपत्र संस्थाको फिल्ड कार्यालय गुलरिया नगरपालिका वडा नं. ५, गुलरिया, बर्दिया (कृषि विकास बैंक नजिक) वा संस्थाको केन्द्रिय कार्यालय नेपालगञ्ज उपमहानगरपालिका वडा नं. १२, बेलासपुर (भेरी नर्सिङ कलेजको सामुन्ने) बाट निःशुल्क प्राप्त गर्न सकिने छ ।

२. आपूर्तिकर्ता प्रचलित कानून बमोजिम उल्लेखित सामग्री आपूर्ति गर्न इजाजत प्राप्त हुनुपर्नेछ । बोलपत्र पेश गर्दा नविकरण सहितको फर्म दर्ताको प्रमाणपत्रको प्रतिलिपी, मूल्य अभिवृद्धि कर वा स्थायी लेखा नम्बर प्रमाणपत्रको प्रतिलिपि, आ.व. २०८०/०८१ को करचुक्ता प्रमाणपत्रको प्रतिलिपी र फर्म सञ्चालकको नागरिकता प्रमाण पत्रको प्रतिलिपी संलग्न गरी शिलबन्दी खाममा पेश गर्नु पर्ने छ । बोलपत्रमा दरभाउ पेश गर्दा उल्लेखित दरभाउको मान्य हुने अवधी पनि उल्लेख गर्नु पर्ने छ ।

३. बोलपत्र पेश गर्दा आफूले कबोल गरेको कर बाहेकको जम्मा रकमको २.५ प्रतिशतले हुन आउने सुरक्षण जमानत (Bid Money) बोलपत्र पेश गरेको मितिले कम्तिमा ४५ दिनसम्म मान्यता भएको बैंक जमानत पत्रको प्रतिलिपी संलग्न गर्नु पर्ने छ ।

४. बोलपत्र पेश गर्दा गारमेन्टका लागि माग गरिएका सामानहरूको वोलपत्र पेश गर्नु पर्ने छ । दरभाउ उल्लेख गर्दा केरमेट (Over Writing) वा टिपेक्स लगाई सच्याएकोलाई मान्यता दिईने छैन । कुल जम्मा रकम अङ्क र अक्षर दुबैमा लेख्नु पर्ने छ । अङ्क र अक्षरमा फरक पर्न गएमा अक्षरमा लेखिएकोलाई मान्यता दिइने छ ।

५. बोलपत्र फाराम BEE Group, को केन्द्रिय कार्यलय नेपालगञ्ज बाँके र फिल्ड कार्यालय गुलरिया, बर्दियाबाट लिन सकिने छ  र बोलपत्र बुझउन कार्यालय मै आउनु पर्ने छ ।

६. प्रथम पटक प्रकाशित सूचनाको मितिले १५ दिन दिउँसो ४:०० बजे भित्र बोलपत्र दर्ता गरि सक्नु पर्ने छ । तर बोलपत्र पेश गर्ने अन्तिम दिन सार्वजनिक विदा परेमा त्यसको लगत्तै कार्यालय खुलेको दिनको दिउँसो ४:०० बजे सम्म पेश गर्न सकिने छ ।

७. बोलपत्रको प्रथम पटक सूचना प्रकाशन समाप्त भएको अर्को दिन दिउँसो १:३० बजे बोलपत्रदाता वा निजको प्रतिनिधीको रोहबरमा पेश भएका बोलपत्र खोलिने छ । तर बोलपत्रदाता वा निजको प्रतिनिधीको उपस्थिती नभए पनि बोलपत्र खोल्न बाधा पर्ने छैन । यदि सो दिनमा सार्वजनिक विदा परेमा त्यसको लगत्तै कार्यालय खुलेको दिनमा उल्लेखित समयमा नै बोलपत्र खोलिने छ ।

८. आपूर्तिकर्ता छनौट गर्दा निजले पेश गरेको दरभाउ, सामग्रीको गुणस्तर, तोकिएको समयमा उपलब्ध गराउन सक्ने तत्परता आदि कुरालाई मध्यनजर गरिने छ ।

९. शिलबन्दी बोलत्रहरू रित बमोजिम नभएको पाईएमा संस्थाले बोलपत्रलाई स्वीकार गर्ने छैन ।

१०. बोलपत्रदाताले बालबालिकालाई बालश्रममा प्रयोग नगरेको र संस्थाका कार्यकारी समितिका पदाधिकारी र सदस्य एवम् कर्मचारी र अन्य आपूर्तिकर्तासँग कुनै पनि स्वार्थ बाझिने (Conflict of Interest- COI) सम्बन्ध छैन भनि स्वःघोषणा गरेको पत्र पनि बोलपत्रका साथमा संलग्न गरी पेश गर्नु पर्ने छ । COI Form र Suppliers Code of conduct Form संस्थाबाट लिन सकिने छ ।

११. आपूर्तिकर्ताले आपूर्ति गर्ने सामग्री संस्थाको फिल्ड कार्यालय गुलरिया सम्म ढुवानी गर्नु पर्ने छ । संस्थाले ढुवानीका लागि अतिरिक्त रकम उपलब्ध गराउने छैन । यसर्थ बोलपत्रदाताले बोलपत्र पेश गर्दा ढुवानी पनि संलग्न गरी पेश गर्नु पर्ने छ ।

१२. आपूर्तिकर्ताले यस संस्थाको बाल संरक्षण नीति (Child Protection) र संरक्षण नीति (Safeguarding Policy) का प्रावधानलाई पालना गर्न प्रतिवद्ध हुनु पर्ने छ ।

१३. म्याद नाघी वा रीत नपुगी आएका बोलपत्र उपर कुनै कारबाही हुने छैन । यस बाहेक थप जानकारी आवश्यक परेमा तल उल्लेखित सम्पर्क नम्बरहरूमा कार्यालय समय भित्र सम्पर्क गर्न सकिने छ ।

१४. अन्य सम्पुर्ण कुराहरू नेपाल सरकारको प्रचलीत कानून बमोजिम हुने छ । बोलपत्रको सर्वाधिकार भेरी वातावरणीय विशिष्टता समूह (BEE Group) बाँकेमा नीहित रहने छ ।

बोलपत्र प्राप्त र पेश गर्ने ठेगाना

भेरी वातावरणीय विशिष्टता समूह (BEE Group),

नेपालगञ्ज उप महानगरपालिका बडा नं. १२ बेलाशपूर (भेरी नर्सिङ्ग कलेजको सामुन्ने)

फिल्ड कार्यालय गुलरिया नगरपालिका वडा नं. ५, गुलरिया, बर्दिया (कृषि विकास बैंक नजिक)

फोन नं.: ०८१–५५०२९५, ५५१४३८

वा फिल्ड कार्यालय, गुलरिया बर्दिया

मोबाईल नं. ९८४८११२२३२